பருப்புத் துவையல் குறிப்பினைப் போலவே, மைசூர் பருப்பை வைத்து செய்யும் சுவையான மைசூர் பருப்பு சட்னி மைசூர் பருப்பு சட்னி இந்தச் சட்னி இட்லி, தோசை மற்றும் சாதத்திற்கு மிகவும் பொருத்தமாக இருக்கும். தேவையான பொருட்கள்: மைசூர் பருப்பு - 1/2 கப் வரமிளகாய்- 4 முதல் 5 (காரத்திற்கு ஏற்ப) பெரிய வெங்காயம் - 1 (நறுக்கியது) தக்காளி - 1 (நறுக்கியது) பூண்டு- 3 பற்கள் புளி- சிறிய துண்டு உப்பு- தேவையான அளவு எண்ணெய்- 2 டீஸ்பூன் தாளிக்க: எண்ணெய், கடுகு, உளுத்தம் பருப்பு மற்றும் கறிவேப்பிலை. செய்முறை: 1. பருப்பை வறுக்கவும்: வாணலியில் ஒரு டீஸ்பூன் எண்ணெய் விட்டு, மைசூர் பருப்பைச் சேர்த்து பொன்னிறமாகும் வரை மிதமான தீயாக வைத்து வறுத்துத் தனியாக எடுக்கவும். 2. மசாலா வதக்கவும்:அதே வாணலியில் மீதமுள்ள எண்ணெய் விட்டு வரமிளகாய், பூண்டு, வெங்காயம் மற்றும் தக்காளி ஆகியவற்றை ஒவ்வொன்றாகச் சேர்த்து நன்கு வதக்கவும். இறுதியாக புளி சேர்த்து அடுப்பை அணைக்கவும். 3. அரைக்கவும்: வதக்கிய பொருட்கள் ஆறியவுடன், வறுத்த மைசூர் பருப்பு மற்றும் தேவையான அளவு உப்பு சேர்த்து, சிறிது தண்ணீர் விட்டு மிக்ஸியில் நைசாக அரைக்கவும். 4. தாளிப்பு...
கருணைக்கிழங்கு சாசேஜ்
தேவையானவை: வேகவைத்த கருணைக்கிழங்கு, வேகவைத்த உருளைக்கிழங்கு -
தலா 1, பிரெட் ஸ்லைஸ் - 2, சோம்பு, சீரகம், தனியா, மிளகு - தலா கால் டீஸ்பூன், பொடியாக நறுக்கிய வெங்காயம் - 1 டேபிள் ஸ்பூன், இஞ்சி துருவல், பூண்டு துருவல் - தலா அரை டீஸ்பூன், சீஸ் துருவல் - 1 டேபிள் ஸ்பூன், உப்பு, தக்காளி சாஸ் - தலா அரை டீஸ்பூன், எண்ணெய் - பொரிக்க தேவையான அளவு.
செய்முறை: ஒரு டீஸ்பூன் எண்ணெயில் இஞ்சி, பூண்டு, வெங்காயத்தை வதக்கி ஆறவிடவும். இதனுடன், வேகவைத்த கருணை, உருளை, ஓரம் நீக்கிய பிரெட் ஸ்லைஸ் சேர்க்கவும். சோம்பு, சீரகம், தனியா, மிளகை வறுத்து பொடி செய்து, உப்போடு போடவும். தக்காளி சாஸ், துருவிய சீஸ் சேர்த்து சாசேஜ்களாக உருட்டவும். தட்டையான பேனில் எண்ணெய் ஊற்றி, பிடிகருணைபோல் உருட்டி, வேகவைத்து, பொரித்தெடுக்கவும்.
ஃப்ரூட் பாப்சிக்கிள்
தேவையானவை: மாம்பழம் - பாதியளவு, கிவிப்பழம் - 1, செர்ரி - 6, ஆப்பிள் -பாதியளவு, பப்பாளி - 6 துண்டுகள், எலுமிச்சை ஜூஸ் - ஒரு கப், தேன் - 2 - டீஸ்பூன், பாப்சிக்கிள் மோல்ட் / டம்ளர் - 2, நடுவில் செருக - 2 ஐஸ்க்ரீம் ஸ்டிக்குகள் அல்லது ஸ்பூன்கள்.
செய்முறை: எலுமிச்சை ஜூஸில் தேனை கலந்து வைக்கவும். பாப்சிக்கிள் மோல்டில், தோல் சீவி பெரிய துண்டுகளாக நறுக்கிய கிவிப்பழம், மாம்பழம், ஆப்பிள், பப்பாளி, செர்ரி இந்த வரிசையில் போட்டு, எலுமிச்சை ஜூஸை ஊற்றவும். பின்னர் ஐஸ்க்ரீம் ஸ்டிக்கை செருகி, ஃப்ரீஸரில் 8 மணி நேரம் குளிரவைக்கவும். மோல்டை பைப் தண்ணீரில் காட்டினால், ஃப்ரூட் பாப்சிக்கிள் பிரிந்து வரும். பின்னர் எடுத்து பரிமாறவும்.
கருத்துகள்
கருத்துரையிடுக