பருப்புத் துவையல் குறிப்பினைப் போலவே, மைசூர் பருப்பை வைத்து செய்யும் சுவையான மைசூர் பருப்பு சட்னி மைசூர் பருப்பு சட்னி இந்தச் சட்னி இட்லி, தோசை மற்றும் சாதத்திற்கு மிகவும் பொருத்தமாக இருக்கும். தேவையான பொருட்கள்: மைசூர் பருப்பு - 1/2 கப் வரமிளகாய்- 4 முதல் 5 (காரத்திற்கு ஏற்ப) பெரிய வெங்காயம் - 1 (நறுக்கியது) தக்காளி - 1 (நறுக்கியது) பூண்டு- 3 பற்கள் புளி- சிறிய துண்டு உப்பு- தேவையான அளவு எண்ணெய்- 2 டீஸ்பூன் தாளிக்க: எண்ணெய், கடுகு, உளுத்தம் பருப்பு மற்றும் கறிவேப்பிலை. செய்முறை: 1. பருப்பை வறுக்கவும்: வாணலியில் ஒரு டீஸ்பூன் எண்ணெய் விட்டு, மைசூர் பருப்பைச் சேர்த்து பொன்னிறமாகும் வரை மிதமான தீயாக வைத்து வறுத்துத் தனியாக எடுக்கவும். 2. மசாலா வதக்கவும்:அதே வாணலியில் மீதமுள்ள எண்ணெய் விட்டு வரமிளகாய், பூண்டு, வெங்காயம் மற்றும் தக்காளி ஆகியவற்றை ஒவ்வொன்றாகச் சேர்த்து நன்கு வதக்கவும். இறுதியாக புளி சேர்த்து அடுப்பை அணைக்கவும். 3. அரைக்கவும்: வதக்கிய பொருட்கள் ஆறியவுடன், வறுத்த மைசூர் பருப்பு மற்றும் தேவையான அளவு உப்பு சேர்த்து, சிறிது தண்ணீர் விட்டு மிக்ஸியில் நைசாக அரைக்கவும். 4. தாளிப்பு...
மிக்ஸட் வெஜிடபிள்குருமா
தேவையானவை: நறுக்கிய கேரட், பீன்ஸ், சுத்தம் செய்த காலிஃபிளவர், பச்சைப்பட்டாணி தலா கால் கப், வதக்க: எண்ணெய் ஒரு டேபிள் ஸ்பூன், தக்காளி, பெரிய வெங்காயம் தலா ஒன்று, இஞ்சி, பூண்டு விழுது - ஒரு டேபிள் ஸ்பூன், உப்பு - தேவைக்கு. வெறும் வாணலியில் வறுக்க: பட்டை ஒரு சிறிய துண்டு, பிரிஞ்சி இலை - ஒன்று, கிராம்பு - 3, கசகசா - ஒரு டீஸ்பூன், பொடி வகைகள்: சில்லி பவுடர் ஒரு டேபிள் ஸ்பூன், தனியா பவுடர் ஒரு டீஸ்பூன், அரைக்க: பச்சைமிளகாய்3.தேங்காய்த்துருவல் கால் கப், முந்திரித் துண்டுகள் - ஒரு டேபிள் ஸ்பூன். மேலே தூவி அலங்கரிக்க: நறுக்கிய கொத்துமல்லித்தழை 2 ஸ்பூன்.
செய்முறை: ஒரு பாத்திரத்தில் அளவான நீர் ஊற்றி, உப்பு சேர்த்து, கொடுக்கப்பட்டுள்ள காய்கறிகளைப் போட்டு வேகவைக்கவும். வெறும் வாணலியில் வறுப்பதற்குக் கொடுத்தவற்றை வறுத்து தனியே வைக்கவும். அதே வாணலியில் ஒரு டேபிள் ஸ்பூன் எண்ணெய் விட்டு, நறுக்கிய வெங்காயம், தக்காளி, இஞ்சி, பூண்டு விழுதைச் சேர்த்து வதக்கவும். பின்னர் சில்லி பவுடர், தனியா பவுடரை சேர்த்து வதக்கி, வெந்த காய்களை நீருடன் சேர்த்து, வாணலியில் வறுத்து வைத்தவற்றை மிக்ஸியில் இரண்டு சுற்று விட்டு, அரைக்கக் கொடுத்துள்ளவற்றை அரைத்து, கொதிக்கும் கலவையில் ஊற்றவும். இரண்டு கொதிவிட்டு மல்லித்தழைத் தூவி இறக்கவும்.
குறிப்பு: சப்பாத்தி / பரோட்டாவுடன் தொட்டுச் சாப்பிட ஏற்ற குருமா இது
சென்னா குருமா
தேவையானவை: வெள்ளை கொண்டைக்கடலை ஒரு கப், உப்பு - தேவைக்கு, எண்ணெய் ஒரு டேபிள் ஸ்பூன், பெருங்காயம் ஒரு டீஸ்பூன். வேக வைக்கும்போது சேர்க்க: ஒரு சிறிய மெல்லிய துணி - ஒரு ஜான் அளவு, கிராம்பு, ஏலக்காய் தலா 2, பிரிஞ்சி இலை - சிறியது, லவங்கபட்டை
சிறிய துண்டு, டீத்தூள் - 2 டீஸ்பூன், மசாலா பவுடர்கள்: கசூரி மேத்தி - ஒரு டேபிள் ஸ்பூன், சீரகப்பவுடர் ஒரு டீஸ்பூன், கரம் மசாலா அரை டீஸ்பூன், தனியா பவுடர் ஒரு டீஸ்பூன், சில்லி பவுடர் ஒரு டேபிள் ஸ்பூன். அரைக்க: தக்காளி - 2, பெரிய வெங்காயம்
ஒன்று. தாளிக்க: எண்ணெய், பொடியாக நறுக்கிய பூண்டு - தலா ஒரு டேபிள் ஸ்பூன், பச்சைமிளகாய் - ஒன்று, சில்லி பவுடர் - ஒரு டீஸ்பூன், நீளவாக்கில் மெலிதாக நறுக்கிய இஞ்சி - ஒரு டீஸ்பூன், கறிவேப்பிலை - 6 இதழ்கள்.
செய்முறை: கொண்டைக்கடலையை 6 மணி நேரம் ஊற வைத்து, உப்பு, தண்ணீர் சேர்த்து, வேக வைக்கும்போது சேர்க்க வேண்டிய பொருட்களை ஒரு வெள்ளைத்துணியில் வைத்து முட்டையாகக் கட்டி, குக்கரில் போட்டு 3 விசில் வந்ததும் இறக்கி, மூட்டையை எடுத்து விடவும். வாணலியில் ஒரு டேபிள் ஸ்பூன் எண்ணெய் விட்டு தக்காளி, வெங்காயம் இரண்டையும் வதக்கி, நீர் விட்டு கெட்டியாக அரைத்து, வாணலியில் போட்டு வதக்கவும். பின்னர் பெருங்காயம், சில்லி பவுடர், தனியா பவுடர், சீரகப்பவுடர், கரம் மசாலா, கசூரி மேத்தி சேர்த்து வதக்கி, வெந்த கொண்டைக்கடலையை நீருடன் சேர்த்து, வதக்கிய கலவையுடன் சேர்த்து இரண்டு மூன்று கொதிவிட்டு, கரண்டியால் லேசாக மசித்துவிடவும். வாணலியில் ஒரு டேபிள் ஸ்பூன் எண்ணெய் விட்டு, தாளித்து
இறக்கவும். குறிப்பு: சப்பாத்தி, பூரிக்கு ஏற்றது.!
கருத்துகள்
கருத்துரையிடுக